РЭГЛАМЕНТ НАБОРУ І УДЗЕЛУ Ў ПРАЕКЦЕ "ШКОЛА ГРАМАДСКІХ ЛІДАРАЎ" – Другі набор

1

Інфармацыя пра Праект

1. Дадзены рэгламент вызначае правілы набору ўдзельнікаў і правілы ўдзелу ў праекце "Школа грамадскіх лідараў", далей - "Праект” або "Курс"
2. Праект арыентаваны на людзей з Беларусі, якія актыўна дзейнічаюць унутры краіны або па-за яе межамі, у тым ліку на лідараў з няўрадавых, грамадскіх, акадэмічных, медыйных, культурніцкіх колаў; у прыватнасці, на тых, хто дзейнічае ў няўрадавых арганізацыях, грамадскіх і палітычных рухах, аналітычных цэнтрах, навуковых колах, СМІ.
3. Рэалізатарам Праекту з'яўляецца Фонд “Школа Лідараў” (адрас сядзібы: ul. Wiejska 12A 00-490 Warszawa) у супрацоўніцтве з Фондам “Вольны Беларускі Ўніверсітэт" (адрас сядзібы: ul. Edmunda Jana Osmańczyka 12/3, 01-494 Warszawa) і Фондам міжнароднай салідарнасці (адрас сядзібы: ul. Mysłowicka 4, 01-612, Warszawa).
4. Курс складаецца з 4 лекцыйна-трэнінгавых сесіяў у анлайн-фармаце ў наступныя даты:

• 21-22 кастрычніка 2023 г.
• 4-5 лістапада 2023 г.
• 25-26 лістапада 2023 г.
• 9-10 снежня 2023 г.

Заняткі будуць праходзіць з 9:00 да 14:30 паводле цэнтральнаеўрапейскага часу.

16 кастрычніка з 17.00 да 19.00 адбудзецца ўводная сустрэча для ўсіх залічаных удзельнікаў(цаў).удзельнікаў.

Агулам курс будзе налічваць 40 гадзін.

1. Асноўныя элементы праграмы "Школы грамадскіх лідараў" знаходзяцца ў інфармацыі пра Курс на сайтах  https://volny-uni.eu/ і www.szkola-liderow.pl. Падрабязная праграма "Школы грамадскіх лідараў" будзе прадстаўленая ўдзельнікам падчас уводнай сустрэчы 16 кастрычніка.
2. Кошт удзелу ўдзельніка ў Курсе цалкам пакрываецца за кошт сродкаў Еўрапейскай камісіі ў выглядзе стыпендыі, прызначанай для аплаты выдаткаў на навучанне. Удзельнікі не нясуць ніякіх дадатковых аплатаў.Стыпендыя будзе пераведзеная наўпрост рэалізатару курсу Фондам міжнароднай салідарнасці.
3. Фонд Школа Лідараў пакідае за сабой права змяніць даты сесіяў, пазначаныя ў пункце 4, калі гэта апраўдана абмежаваннямі, незалежнымі ад рэалізатара.

2

Умовы набору на Праект

1. Да ўдзелу ў Праекце дапускаюцца толькі наступныя асобы: 

а) хто паходзіць з Беларусі

1. b) каму на 16 кастрычніка 2023 г. споўнілася 18 гадоў
2. c) хто запоўніць анкету заяўкі да 09.2023 г. самае позняе а 23:59.

1. Інфармацыя пра набор удзельнікаў у Праект будзе размешчаная на сайце Фонду Школа Лідараў.
2. На Курс будуць прынятыя 30 асобаў.
3. Для ўдзелу ў працэсе набору неабходна да 20 верасня 2023 года запоўніць форму анлайн-заяўкі, прадстаўленую ў аб'яве пра набор на Курс на сайтах Вольнага Беларускага Ўніверсітэту і Фонду “Школа Лідараў”.
4. Заняткі будуць праводзіцца ў асноўным на беларускай мове ці з перакладам на беларускую мову, аднак частка семінараў будзе праводзіцца на рускай мове (а таксама магчыма на англійскай ці польскай мовах). Таму ў форме анлайн-заяўкі мы збіраем інфармацыю пра валоданне гэтымі мовамі з боку ўдзельнікаў .

3

Набор удзельнікаў

1. Арганізацыю набору і сам набор ажыццяўляюць: каардынатар Праекту і прыёмная камісія, якая складаецца з: прадстаўнікоў Фонду Школа Лідараў, прадстаўнікоў Вольнага Беларускага Ўніверсітэту і прадстаўнікоў Фонду Міжнароднай Салідарнасці.
2. У працэсе набору будзе забяспечаны роўны доступ да ўдзелу ў Праекце жанчынаў і мужчынаў.
3. Набор на Праект будзе ажыццяўляцца ў перыяд з 31.08.2023 г. па 11.10.2023 г.
   у наступнай паслядоўнасці:

а) Прыём заявак з 31.08.2023 да 20.09.2023 г., самае позняе а 23:59. Спасылкі на форму заяўкі будуць даступныя на сайтах Вольнага Беларускага Ўніверсітэту i Фонду Школа Лідараў. 

1. b) Праверка анкетаў на прадмет адпаведнасці фармальным крытэрам. Заяўкі, пададзеныя па заканчэнні тэрміну, не будуць разглядацца. Фармальнай умовай таксама з'яўляецца прадстаўленне кантактных даных асобы, якая можа рэкамендаваць кандыдата(тку).
2. c) Кантакт пры неабходнасці з асобамі, пазначанымі ў заяўцы як асобы, што могуць рэкамендаваць кандыдата(ку).
3. d) Ацэнка заявак. Каардынатар Праекту складае спіс асобаў, якія прайшлі ў другі тур, гэта значыць, запрашаюцца на сумоўе з прыёмнай камісіяй. Спіс не будзе ўпублічняцца у мэтах бяспекі кандыдатаў(так). Да асобаў са спісу да 29.09.2023 г. будзе адпраўлены электронны ліст з пазначэннем даты сумоўя і запытам на яе пацверджанне;
4. E) Сумоўі прыёмнай камісіі з выбранымі кандыдатамі(камі) будуць адбывацца з 03.10.2023 па 09.10.2023 г. у анлайн-фармаце. Час аднаго сумоўя - 15-20 хвілінаў;
5. f) Залічэнне прыёмнай камісіяй удзельнікаў Праекту на падставе вызначаных крытэраў адбору. Спіс залічаных асобаў на ўдзел у Праекце будзе абвешчаны не пазней за 11.10.2023 г. Адабраныя асобы будуць праінфармаваныя па электроннай пошце.

1. Прыёмная камісія выбярэ асобаў, якія ў найбольшай ступені адпавядаюць крытэрам адбору:

1. a) матывацыя да павышэння кваліфікацыі (0-1 бал),
2. b) досвед рэалізацыі праектаў/грамадскіх ініцыятываў (0-2 балы),
3. c) супрацоўніцтва з групай асобаў, камандай, мясцовай супольнасцю - у мінулым або на дадзены момант (0-2 балы)

г) бачанне сваёй дзейнасці па заканчэнні Курсу (0-2 балы),

Прыёмная камісія таксама ўлічвае:

* магчымасць удзелу кандыдата(ткі) ва ўсіх сесіях Курсу;

* крытэр разнастайнасці групы з гледзішча полу, узросту, прадметных сфераў дзейнасці, геаграфіі, адукацыі, досведу працы і іншых фактараў;

* веданне замежнай мовы (польскай або англійскай) для ўдзелу ў частцы семінараў.

1. У выпадку, калі некалькі асобаў адпавядаюць адным і тым жа крытэрам, вырашальнае значэнне мае голас прыёмнай камісіі.
2. З кандыдатаў і кандыдатак, якія выканалі патрабаванні да ўдзелу ў Праекце, а не былі абраныя праз недахоп месцаў, будзе створаны рэзервовы спіс. Асобы з рэзервовага спісу будуць прынятыя на Курс у адпаведнасці з парадкавым месцам у гэтым спісе (паводле колькасці набраных балаў) у выпадку адмовы або выдалення са спісу асобаў, залічаных у Школу. Асобы з рэзервовага спісу будуць праінфармаваныя па электроннай пошце.
3. У выпадку, калі па выніках набору колькасць удзельнікаў будзе меншай за запланаваную, будзе праведзены дадатковы набор у тэрміны, вызначаныя Каардынатарам Праекту, пра што будзе абвешчана на сайце Фонду Школа лідараў.
4. Пададзеныя кандыдатамі(камі) заяўкі на ўдзел не падлягаюць вяртанню.

4

Умовы ўдзелу ў Праекце

1. Удзельнікам Праекту становіцца асоба, якая (і) была прынятая для ўдзелу ў Праекце прыёмнай камісіяй.
2. Адмова ўдзельніка(цы), прынятага(й) да ўдзелу ў Праекце, патрабуе яго(яе) пісьмовай заявы. Заява павінна быць падпісанай і адпраўленай у фармаце pdf на адрас электроннай пошты: Адрас электроннай пошты абаронены ад спам-ботаў. Для прагляду адраса ў браўзэры павінен быць уключаны Javascript.
3. У выпадку адмовы ўдзельніка, які быў прыняты да ўдзелу ў Праекце, дапускаецца магчымасць прыняць асобаў з рэзервовага спісу па-за вызначанымі датамі набору з захаваннем тэрмінаў выканання астатніх дзеянняў.

5

Абавязкі ўдзельніка(цы)

Удзельнік(ца) абавязуецца:

1. Браць удзел у праекце на ўмовах, пазначаных у дадзеным Рэгламенце, у прыватнасці, удзельнічаць і выконваць усе элементы Курсу ў рамках Праекту;
2. Удзельнік(ца) можа адсутнічаць не больш чым на 20% заняткаў (разам 8 гадзінаў) толькі ў выпадку жыццёва неабходных сітуацыяў/уважлівых прычынаў. У выпадку сваёй адсутнасці, удзельнік(ца) абавязаны(ая) паведаміць пра гэта рэалізатару Праекту (на адрас электроннай пошты Адрас электроннай пошты абаронены ад спам-ботаў. Для прагляду адраса ў браўзэры павінен быць уключаны Javascript.  да пачатку сесіі.
3. Выконваць вызначаны расклад, адказна рыхтавацца да заняткаў і браць актыўны ўдзел ва ўсіх занятках, што ладзяцца у рамках кожнай з сесіяў "Школы грамадскіх лідараў";
4. Выконваць наступныя тэхнічныя патрабаванні, неабходныя для ўдзелу ў анлайн-занятках, гэта значыць: мець доступ да кампутару/ноўтбуку з камерай і інтэрнэт-злучэннем, карыстацца прапанаванымі Фондам прыкладаннямі і праграмамі, што выкарыстоўваюцца для анлайн-заняткаў, у тым ліку Moodle, Google workspace for Nonprofits, наладзіць двуфактарную аўтэнтыфікацыю (2fa) пры ўваходзе ў Google workspace, выкарыстоўваць месэнджар Signal для камунікавання ў рамках Праекту паміж сесіямі. Мы рэкамендуем ўдзельнікам(цам) наладзіць двуфактарную аўтэнтыфікацыю (2FA) пры ўваходзе ў паштовую скрыню, якая выкарыстоўваецца для камунікавання з арганізатарамі Курсу.
5. Удзельнічаць у занятках з уключанай або выключанай камерай у залежнасці ад рэкамендацыяў выкладчыкаў;
6. Не запісваць са свайго боку ніякіх заняткаў, што праводзяцца ў рамках Курсу, без папярэдняй згоды арганізатараў і іншых удзельнікаў(цаў) Курса; удзельнікі(цы) Курсу абавязваюцца захоўваць канфідэнцыяльнасць інфармацыі пра  іншых удзельнікі(цаў) Курсу.
7. Неадкладна інфармаваць Арганізатара пра змену персанальных даных і/або адрасу пражывання, адрасу электроннай пошты, нумару мабільнага тэлефону і іншых падзеяў, якія могуць паўплываць на ўдзел Удзельніка(цы) ў Курсе. Інфармацыя павінна быць дасланай на адрас электроннай пошты: Адрас электроннай пошты абаронены ад спам-ботаў. Для прагляду адраса ў браўзэры павінен быць уключаны Javascript..

6

 Заключныя палажэнні

1. Пасля завяршэння Праекту ўдзельнікі(цы), якія ўзялі ўдзел ва ўсіх занятках Курсу, атрымаюць сертыфікат аб яго паспяховым заканчэнні. Астатнія ўдзельнікі(цы) атрымаюць сертыфікат аб удзеле ў Курсе.
2. Дадатковую інфармацыю пра Праект можна атрымаць па электроннай пошце: Адрас электроннай пошты абаронены ад спам-ботаў. Для прагляду адраса ў браўзэры павінен быць уключаны Javascript..

Палажэнне пра апрацоўку персанальных даных

У адпаведнасці з арт. 13 Рэгламенту Еўрапейскага парламенту і Рады(ЕС) 2016/679 ад 27 красавіка 2016 г. аб абароне фізічных асобаў у сувязі з апрацоўкай персанальных даных і аб свабодным перамяшчэнні такіх даных (GDPR) паведамляем, што

Фонд "Вольны Беларускі Ўніверсітэт" (адрас сядзібы: ul. Edmunda Jana Osmańczyka 12/3, 01-494 Warszawa), Фонд "Школа лідараў" (адрас сядзібы: ul. Wielka 12a, 00-490 Warszawa) разам з Фондам міжнароднай салідарнасці (адрас сядзібы:  ul. Mysłowicka 4, 01-612, Warszawa) з'яўляюцца су-адміністратарамі персанальных даных.

Персанальныя даныя апрацоўваюцца для правядзення набору і ўдзелу ў анлайн-курсе "Школа грамадскіх лідараў", які рэалізуецца ў рамках праекту, што фінансуецца Еўрапейскай камісіяй.

Прадстаўленне персанальных даных добраахвотнае, але неабходнае для ўдзелу ў наборы. Падаючы заяўку на ўдзел, заяўнік згаджаецца з Рэгламентам курсу і ў выпадку паспяховага залічэння выказвае згоду на ўдзел у курсу на ўмовах, апісаных у Рэгламенце курсу.

Даныя заяўнікаў апрацоўваюцца на падставе арт. 6 параграф 1 літ. A GDPR (згода) артыкула. 6 параграф 1 літ. B GDPR (дзеянні да заключэння дамовы і выкананне дамовы) і арт. 6 параграф 1 літ. F GDPR (юрыдычна абгрунтаваны інтарэс адміністратара).

У адпаведнасці з пагадненнем аб су-адміністраванні Фонд "Школа лідараў" нясе адказнасць за выкананне патрабаванняў адносна апрацоўкі інфармацыі і з'яўляецца першым кантактам для рэалізацыі правоў, якія вынікаюць з GDPR.

Доступ да даных можа быць прадстаўлены і іншым катэгорыям суб'ектаў, у тым ліку донару - Еўрапейскай камісіі, якая месціцца ў Брусэлі, Бельгія, арганізацыям, якія аказваюць паслугі па аўдыту і ацэнцы праекту, а таксама іншым дзяржаўным і судовым органам, упаўнаважаным праводзіць аўдыт.

Даныя будуць захоўвацца ў адпаведнасці з патрабаваннямі донара на працягу 5 гадоў з даты завяршэння праекту (г.зн., да 2029 году). Даныя не будуць апрацоўвацца з дапамогай сістэмаў аўтаматызаванага прыняцця рашэнняў. Даныя не будуць перадавацца за межы Еўрапейскай эканамічнай прасторы.

Вы маеце права на доступ да сваіх персанальных даных, іх выпраўленне, выдаленне або абмежаванне апрацоўкі, а таксама права адмовіцца ад далейшай апрацоўкі ў той ступені, у якой гэта прадугледжана GDPR.

Згода на апрацоўку даных асаблівай катэгорыі, так званых канфідэнцыйных даных, можа быць адкліканая ў любы момант. Адкліканне згоды не ўплывае на законнасць апрацоўкі даных, якая была праведзеная на падставе згоды да яе адклікання. 

Па пытаннях, звязаных з персанальнымі данымі заяўнікаў, у тым ліку адносна правоў, звяртацца па электроннай пошце: Адрас электроннай пошты абаронены ад спам-ботаў. Для прагляду адраса ў браўзэры павінен быць уключаны Javascript. або па электроннай пошце: Адрас электроннай пошты абаронены ад спам-ботаў. Для прагляду адраса ў браўзэры павінен быць уключаны Javascript..  

Інфармуем, што Вы маеце права падаць скаргу ў орган нагляду: Старшыні Упраўлення па абароне персанальных даных у Варшаве. 

Рэгламент набору на курсы, выдзялення стыпендыяў на навучанне і правілы ўдзелу ў навучальных праграмах Вольнага Беларускага Ўніверсітэту (ВБЎ)

Дадзены рэгламент вызначае крытэры набору на курсы, выдзялення стыпендыяў на навучанне на курсах у форме аплаты кошту навучання, а таксама правілы ўдзелу ў навучальных праграмах Вольнага Беларускага Ўніверсітэту (ВБЎ).

Стыпендыі на навучанне на курсах у форме аплаты кошту навучання забяспечваюцца дзякуючы фінансаванню донараў ВБЎ. Набор удзельнікаў на курсы і выдзяленне стыпендыяў ў форме аплаты кошту навучання на курсах, прапанаваных у рамках навучальных праграмаў Вольнага Беларускага Ўніверсітэту, адбываецца на наступных падставах:

• беларускае грамадзянства або сталае жыхарства ў Беларусі;
• узрост ад 18 гадоў;
• вышэйшая, няскончаная вышэйшая адукацыя і ў залежнасці ад курсу - сярэдняя спецыяльная адукацыя;
• грамадска актыўная пазіцыя і матываванасць;
• прыхільнасць ідэям эканамічнай, сацыяльнай і грамадскай трансфармацыі Беларусі дзеля пабудовы вольнага дэмакратычнага і нацыянальна свядомага грамадства, заснаванага на еўрапейскіх каштоўнасцях.

Пункты пры залічэнні на курс:

Максімальная колькасць пунктаў - 12. Мінімальная колькасць пунктаў для ўдзелу ў конкурсе - 7.

Рашэнні аб залічэнні на курсы і выдзяленне стыпендыяў на навучанне прымаюцца прыёмнай камісіяй (у складзе прадстаўніка(оў) ВБЎ, правайдара адпаведнага курсу і/або выкладчыка, а таксама, пры неабходнасці, прадстаўнікоў донарскіх арганізацыяў) на падставе анкетаў кандыдатаў(ак) з улікам усіх крытэраў. У выпадку патрэбы ВБЎ будзе індывідуальна кантактавацца з кандыдатам(кай) дзеля правядзення сумоўя. У залежнасці ад характару курсу і правайдара, сумоўе можа праводзіцца з усімі кандыдатамі. Пры роўнасці пунктаў кандыдатаў канчатковае рашэнне прымае прыёмная камісія па выніках сумоўя. Залічаныя кандыдаты будуць паінфармаваныя па электроннай пошце пра вынікі набору і дату і час пачатку заняткаў.

З кандыдатаў і кандыдатак, якія адпавядаюць крытэрам ўдзелу ў курсах, а не былі абраныя праз недахоп месцаў, будзе створаны рэзервовы спіс. Асобы з рэзервовага спісу будуць прынятыя ў адпаведнасці з парадкавым месцам у гэтым спісе (паводле колькасці набраных пунктаў) у выпадку адмовы або выдалення са спісу асобаў, залічаных на курс. Асобы з рэзервовага спісу будуць паінфармаваныя па электроннай пошце.

Каб праходзіць курсы, удзельнікі(цы) рэгіструюцца на адпаведныя курсы на адукацыйнай платформе ВБЎ: https://freebelarus.in. Рэгістрацыя на платформе азначае, што ўдзельнік(ца) пагаджаецца выконваць дадзеныя Рэгламент і Правілы ўдзелу і пацвярджае прыём стыпендыі ў форме аплаты кошту навучанню, якая будзе наўпрост пераведзеная правайдару курсу.

Рэгістрацыя на адукацыйнай платформе ВБЎ адкрывае доступ да ўдзелу ў Форуме БВЎ як пляцоўкі  для працягу дыскусіяў пра актуальныя веды і падыходы ў грамадскіх навуках і даследаваннях, а таксама выклікі і рашэнні рэфармавання будучай Беларусі, што разглядаюцца ў рамках курсаў ВБЎ. Удзельнікі(цы) Форуму таксама атрымліваць закрытыя абвесткі пра навучанне, стажыяванне, вакансіі ад партнёрскіх арганізацыяў ды іншую карысную інфармацыю.

Удзельнік(ца) курсу абавязваецца:

1. Удзельнічаць у праграме на ўмовах, акрэсленых у дадзеным Рэгламенце, у прыватнасці, браць удзел і выконваць усе элементы навучання ў рамках абранага курсу;
2. Выконваць вызначаны расклад, адказна рыхтавацца да заняткаў і браць актыўны ўдзел ва ўсіх занятках, што ладзяцца ў рамках абранага курсу;
3. Спаўняць наступныя тэхнічныя патрабаванні для ўдзелу ў анлайн-сесіях:
   доступ да кампутара/ноўтбука з камерай, да інтэрнэту, праца з выкарыстаннем прапанаваных выкладчыкам(цай) прыкладанняў і праграмаў, што выкарыстоўваюцца для правядзення анлайн-заняткаў.
4. Удзельнічаць у занятках з уключанай або выключанай камерай у залежнасці ад рэкамендацыяў выкладчыкаў;
5. Не запісваць ніякіх заняткаў, якія праводзяцца ў рамках адукацыйных праектаў ВБЎ, без папярэдняй згоды Вольнага Беларускага Ўніверсітэту, выкладчыка(цы) і іншых удзельнікаў(цаў) абранага курсу.

Сістэматычны няўдзел у курсе (больш за 30% прапушчаных заняткаў) і невыкананне яго заданняў азначае аўтаматычнае выключэнне са спісу ўдзельнікаў курсу і атрымальніка стыпендыі. Рашэнне аб выключэнні прымаецца правайдарам курсу пасля кансультацыі з адміністрацыяй ВБЎ.
У выпадку неабгрунтаванага спынення ўдзелу ў курсе ўдзельнік(ца) абавязваецца выплаціць Фонду ВБЎ 50% ад сумы стыпендыі ў форме аплаты за навучанне на курсе. Сума, згаданая вышэй, выплачваецца на працягу 14 дзён з даты пісьмовага запыту Фонду ВБЎ адносна выплаты згаданае сумы.